PRETORIA-MARANATA,
17 Januarie 2016 AD, 17:30
Voorsang: Ps 9:1,11-15
Votum
Seën
Ps 47:3
Gebed
Formulier bevestiging ouderlinge
Ps 134:4
Gebed
Skriflesing: Openbaring 20
Sb 8:2
Teks: Nederlandse Geloofsbelydenis art. 37
Preek
Ps 103:5,6
Gebed
Geloofsbelydenis van Nicea
Ps 103:7
Kollekte
Ps 103:8,9
Seën
Preek:
Nederlandse Geloofsbelydenis art. 36
Die NGB eindig met ‘n artikel wat handel oor
die toekoms.
Die laaste oordeel, die opstanding en die
ewige lewe.
Hierdie artikel bied nie ‘n afgeronde leer
oor die ‘laaste dinge’, of oor die eindtyd, die sogenaamde eskatologie nie.
Daar is heelwat onderwerpe wat toegevoeg kan
word:
Mens kan dink aan die tyd tussen sterwe en
opstanding.
Mens kan dink aan die sogeneemde
duisendjarige ryk.
Mens kan dink aan die tekens van die tye.
Die NGB is nie ‘n afgeronde dogmatiek nie,
maar ‘n belydenisskrif.
‘n Belydenisskrif wat gebore is in ‘n tyd toe
die kerk ten tye van vervolgings moes opstaan vir die waarheid.
Art. 37 is eintlik ‘n hartekreet, ‘n beroep
op die hemelse Regter om die toekoms nader te bring, om reg te verskaf.
Tema:
Uitsien na die oordeelsdag
-
Die majesteitlike koms van die
Regter -
Die dagvaardiging van alle mense,
sowel lewendes as dooies -
Die aanklagte wat op tafel kom
-
Die rehabilitasie van die vromes
-
Die majesteitlike koms van die
RegterDie Regter sal ons Here Jesus Christus wees.
Dit blyk uit verskillende Skrifgedeeltes.
Ek noem slegs een of twee.
In 2 Timotheüs 4:1 skryf Paulus vir
Timotheüs: “Ek besweer jou dan voor God en die Here Jesus Christus, wat die
lewende en die dode sal oordeel by sy verskyning en sy koninkryk”.Duidelik word Christus hier genoem as die Een
wat sal oordeel.En in Handelinge 17:31 lees ons: God het ‘n
dag bepaal “waarop Hy die wêreld in geregtigheid sal oordeel deur ‘n Man wat Hy
aangestel het, en Hy het hiervan aan almal sekerheid gegee deur Hom uit die
dode op te wek.”Ons Here Jesus Christus het Hy
aangestel om die wêreld in geregtigheid te oordeel.In die woordjie ons wat bewus hier staan, hoor mens liefde, verlange, vertroosting.
As jy kan bely dat jy in lewe en sterwe aan
jou getroue Heiland, Jesus Christus, behoort, wat jou met sy kosbare bloed
gekoop het (dink aan die woorde van Sondag 1), dan hoef jy nie bang te wees vir
hierdie Regter nie.Die Regter is vir jou ‘n persoonlik bekende.
Jy kan juis daarna uitsien om Hom te ontmoet!
Maar, elkeen wat Jesus verwerp het;
elkeen wat weier om daagliks tot Hom te bid;
elkeen wat net sy Naam gebruik as hulle wil
vloek;vir hulle is die vooruitsig van ‘n
oordeelsdag met Hom as Regter skrikwekkend.Soos daar in Openbaring staan:
“Kyk, Hy kom met die wolke, en elke oog sal
Hom sien, ook hulle wat Hom deursteek het; en al die geslagte van die aarde sal
oor Hom rou bedryf” (Openb 1:7)Met rou bedryf word hier bedoel, hulle sal kerm
van angs as hulle Hom inderdaad sien verskyn.Wanneer daardie dag aanbreek, is vir alle
skepsels onbekend.Maar feit is dat daar ‘n dag sal kom dat die
getal van die uitverkorenes vol is.Sy koms sal wees, soos die Skrif sê, soos ‘n
dief in die nag.‘n Dief stuur nie vir jou ‘n beriggie dat hy
dan en dan gaan inbreek nie.‘n Dief lui nie eers die deurklokkie nie.
Van die dag en die uur weet niemand nie, ook
nie die engele nie.Deur die eeue is daar al baie gespekuleer oor
wanneer dit mag wees.Een van die rigtings wat hulle daarmee besig
hou, is die sogenaamde Chiliaste.Veral in charismatiese groeperings word die
chiliasme aangehang.Chiliasme gaan oor die duisendjarige ryk.
Die Griekse woord ‘chilios’ betekend duisend.
Die woord millenialisme word ook gebruik, wat
weer van die woord ‘millenium’ afkom wat ook duisend beteken.Die idee van chiliasme kom oorspronklik van
die Joodse rabbyne af.Naamlik dat daar ‘n Messiaans tyd sal
aanbreek waarin Israel politieke heerskappy oor alle volke sal hê, ‘n tyd van
groot voorspoed, waarna eers die oordeelsdag sal kom.Veral groeperings in Amerika het hierdie
gedagtes oorgeneem.Christus sal terugkom, en dan sal daar ‘n
duisendjarige vrederyk op aarde wees.Letterlik vanuit die stad Jerusalem sal
Christus regeer.Ander groepe, soos die Mormone, beweer dat
Christus vanuit Amerika sal regeer.Dit is die sogenaamde pre-millenialiste.
Pre- beteken voor.
Christus sou terugkom voor die duisendjarige ryk.
En aan die einde van hierdie duisend jare
gaan Christus dan weer na die hemel en word die satan ontbind.Daar sal dan‘n verskriklike tyd wees, en
wanneer die nood op sy hoogste is, sal Christus vir die tweede maal kom.Dan is dit die oordeelsdag.
Aan die ander kant is daar ook chiliaste wat
sê:eers sal daar ‘n duisendjarige vrederyk wees,
en daarna, as die kerk ‘n ryk van duisendjarige vrede op aarde verwerklik het,
eers daarna sal Christus terugkom.Hulle is die sogenaamde post-millenialiste.
Post- beteken na.
Nou skenk art. 37 skenk nie eksplisiet aandag
aan die sogenaamde duisendjarige ryk nie.Daar word slegs beklemtoon dat sy wederkoms
onverwags sal wees.Die duisendjarige ryk waaroor ons in
Openbaring 20 lees, slaan inderwaarheid op die hele Nuwe-Testamentiese tyd.Die hele
nuwe bedeling is die laaste dae, waarin Christus haas maak om terug te kom.In Openbaring 20 staan nie dat die satan vir
duisend jaar op aarde gebind sal wees in die sin dat hy heeltemal mageloos sal
wees nie.Daar staan dat hy die volke nie sal kan
verlei nie.Dit het hy sedert Christus se hemelvaart nie
meer kon doen nie.Want Christus se hemelvaart markeer ‘n
wending in die wêreldgeskiedenis.Na Hemelvaart en Pinkster het die apostels
uitgegaan na alle volke om die evangelie te verkondig.Uit alle volke en stamme en tale word
Christus se kerk in die nuwe bedeling versamel.Elke volk is ewe bevoorreg soos wat die
Joodse volk in die ou bedeling was.Hierdie nuwe bedeling is ‘n periode van 1000
jaar.Dit is ‘n simboliese getal, 10 x 10 x 10.
Net soos die getal 144 000 ook ‘n
simboliese getal in die boek Openbaring is:12 x 12 x 1000.
1000 jaar staan vir ‘n lang periode, wat nie
halfpad afgebreek sal word nie, maar wat voltooi sal word en waarin alles bereik
sal word wat Christus wil bereik.Soos art. 37 skryf: tot die getal van die
uitverkorenes volledig is uit elke volk en stam en taal.Die Skrif praat ook oor die tekens van die
tye, die tekens van die eindtyd.Tekens wat op die naderende koms van Christus
wys.Byvoorbeeld: die goddeloosheid sal toeneem
(Matth 24:12).En, die openbaring van die antichris (2 Thess
2:1-12).Oorloë en gerugte van oorloë (Mark 13:7,8).
Aardbewings (Luk 21:25-27).
Vervolging van die kerk (Matth 24:9-12).
Prediking van die evangelie aan alle volke
(Matth 24:14).Ook hierdie tekens moet ons nie as ‘n soort
almanak gebruik, om die tydstip van sy koms te probeer bepaal nie.Maar hierdie tekens geld in die nuwe bedeling
as ‘n gedurige klop op die deur, wat die mensheid waarsku: wees daarvan bewus,
Hy kom!Is dit nie baie waar nie, gemeente?
Selfs vir ongelowiges.
As daar byvoorbeeld oorloë en gerugte van
oorloë is.Neem toe daardie verskriklike aanslag op New
York gepleeg is in 2001.Deur baie mense se koppe het die gedagte
geflits: nou is dit die jongste dag.Of wanneer daar ‘n aardbewing plaasvind.
Dit is soos ‘n klop op die deur: daar kom ‘n
einde aan hierdie ou wêreld.Ja selfs vir ongelowiges is dit ‘n klop op
die deur.Hulle wat normaalweg nie bereid is om na God
se Woord te luister nie.Op so ‘n oomblik word hulle ook deur die nood
daarby bepaal.Nood leer bid.
Vir die gelowiges is daar meer tekens.
As die afval hand oor hand toeneem, dan roep
die gelowiges des te harder tot hulle Heiland:Kom terug Here Jesus, Maranata!
As dit lyk of die antichris vrye teuels op
aarde het.Die Reformatore, ons kan ook aan Guido de
Brès dink wat hierdie artikel geskryf het, hulle het die pous in Rome die
antichris genoem.In daardie tyd was sy mag omtrent onbeperk.
Hy het die vromes vervolg en bloedig vermoor.
Dit het die gelowiges na die hemel laat roep:
kom terug, hoe lank nog, Here Jesus!Ja die tekens is ‘n gedurige klop op die
deur.Christus hou ons wakker, Hy sorg dat ons nie
inslaap nie.Dat ons lampe brandende bly.
Dat ons bly uitsien na die majesteitlike koms
van die Regter. -
Die dagvaardiging van alle mense,
sowel lewendes as dooiesAlle mense, nie een uitgesonder, sal voor die
Regter geroep word deur ‘n stem, wat tot almal sal deurdring en hulle sal dwing
om te verskyn.1 Thessalonisense 4:16: “Want die Here self
sal van die hemel neerdaal met ‘n geroep, met die stem van ‘n aartsengel en met
geklank van die basuin van God.”Hy kom as Regter oor die lewendes en dooies.
Ja ook alle dooies sal uit die aarde opstaan.
Hierdie stem sal selfs tot in die grafte
deur.Tot in die diep oseane, tot in donker grotte.
Die stem sal klink oor die velde waar die gekremeerdes
se as verstrooi is.Liggaam en siel sal weer saamgevoeg word.
Mense, met hulle eie identiteit sal weer tot
lewe kom.Terselfdertyd sal dit anders wees.
1 Korinthiërs 15 noem ‘n aantal verskille
tussen die huidige liggaam en hoe dit dan sal wees.Verderflik teenoor onverderflik.
Sterflik teenoor onsterflik.
Oneer teenoor heerlikheid.
Swakheid teenoor krag.
Die liggaam sal opstaan, maar tog anders.
Van die opstanding van die goddelose sê die
Skrif dat hulle sal ontwaak tot groot smaadheid, vir ewig afgryslik (Dan 12:2).Dit sal ‘n opstanding tot veroordeling wees,
sê Jesus in Johannes 5:29.Hulle staan op om die ewige straf te ontvang.
En hulle wat nie gesterf het nie, sal in ‘n
oogwink verander.En dan kom die aanklagte op tafel.
-
Die aanklagte wat op tafel kom
Die materiaal, die prosesstukke wat voor die
Regter se aandag gebring gaan word, is omvangryk.Alle dade, alle woorde, selfs alle gedagtes
van die mense.In Openbaring 20:12 skryf die apostel
Johannes: “ek het die dode, klein en groot voor God sien staan, en die boeke is
geopen; en ‘n ander boek, die boek van die lewe, is geopen. En die dode is
geoordeel na wat in die boeke geskryf is, volgens hulle werke.”En 2 Korinthiërs 5:10: “Want ons moet almal
voor die regterstoel van Christus verskyn, sodat elkeen kan ontvang wat hy deur
die liggaam verrig het, volgens wat hy gedoen het, of dit goed is of kwaad.”Alle mense, mans vrouens en kinders sal
persoonlik voor die groot Regter verskyn (1 Thess 4:16).Die boeke – die gewetens – sal geopen word,
almal sal geoordeel word volgens wat hulle in hierdie wêreld gedoen het, goed
of sleg.Mense sal moet rekenskap gee van elke
ligsinnige woord (Matt 12:36 – verwysing na Jesus se opmerking dat ‘n mens aan
sy vrugte ‘n boom ken: “Maar Ek sê vir julle dat van elke ydele woord wat die
mense praat, daarvan moet hulle rekenskap gee in die oordeelsdag.”Dit is ‘n realiteit!
Al beskou die wêreld dit slegs as kinderspel
en tydverdryf – naamlik om ‘n vroom lewe te wy en jou tyd te bestee aan
Godsdiens.Om ‘n kerklid te wees, om elke Sondag kerk
toe te gaan, om elke dag te bid.Al beskou die wêreld dit as onnodig, die realiteit
is dat op daardie dag alle geheime bedrog en huigelary oopgevlek sal word.Hoe lank sal hierdie regsaak eintlik duur?
Hier in Suid-Afrika is ons gewoond aan
regsake wat soms maande lank kan voortsleep, soms selfs jare.Hoe lank sal hierdie grootste regsitting van
alle tye duur?Die Skrif praat oor die oordeelsdag – een dag.
Al weet ons dat vir God een dag soos ‘n
duisend jaar kan wees, en ‘n duisend jaar soos een dag.Nog ‘n vraag is wat die verband is tussen die
finale oordeelsdag en die dag as jy ontslaap.Want die dag as jy sterf verskyn jou siel mos
ook voor God se troon.Oor die toekomstige lewe moet ons versigtig
wees om dinge te sê.Want dit gaan oor ‘n dimensie wat ons
verstand te bowe gaan, wat geen oog gesien het, geen oor gehoor het.Ons kan net afgaan op wat in die Skrif
daaroor staan.By sy sterwe ontvang elke mens ‘n, wat mens
kan noem, voorlopige oordeel.Die defnitiewe regspraak volg op die jongste
dag.Dalk bietjie vergelykbaar met dat daar in ons
wêreld ook verskillende regsittings kan wees, sittings van skuldigbevinding, en
van vonnis en strafoplegging, ensovoorts.Nou sou jy jou kon afvra: hoe kan iemand,
selfs ‘n opregte gelowige, eintlik nog uitsien na die oordeelsdag, as elke
verkeerde woord, daad en selfs gedagte daar op tafel gaan kom?Jy sal jou mos in die grond in skaam?
Gemeente, hier moet ons die onderrig van
Skrif ernstig neem, as dit oor skuldvergewing gaan.Want die Skrif leer ons dat wie opreg
vergewing van sondes vra in die Naam van die Here Jesus Christus, dat daardie
persoon se sondes vergewee word en ook letterlik vergeet word.Soos Psalm 103 sing: so ver die ooste
verwyderd is is van die weste, so ver verwyder Hy ons oortredinge van ons.Werklik vergewe beteken ook vergeet.
En die wonderlike gevolg hiervan is dat ons
inderdaad na die oordeelsdag kan uitsien.Danksy Christus kan ons reingewas voor die
regterstoel verskyn.Want Christus is ons geregtigheid.
Sy Middelaarswerk het tot gevolg dat ons
sondes vergewe en vergeet is!In die boek van die lewe staan die gelowiges
se name, sonder enige aanklag!Maar hulle wat nie daagliks bid om vergewing
van sondes in sy Naam nie, hulle moet opsien teen daardie dag.Dan sal al hulle geheime bedrog en huigelary
oopgevlek word, soos art. 37 skryf.Daarom is net die gedagte aan so ‘n oordeelsdag
vir oortreders en goddeloses met reg skrikwekkend.Daarenteen is dit vir die vromes begeerlik en
troosryk.Dan sal hulle onskuld deur almal erken word.
Dan sal hulle die verskriklike wraak sien teen
die goddeloses wat in hierdie wêreld die vromes verdruk en gekwel het.Die goddeloses sal deur die getuienis van
hulle eie gewete tot erkenning van hulle skuld gebring word.Nou kry hulle dit reg om hulle gewete tydelik
dig te skroei, die swye op te lê.Dan, voor die troon van die Regter, sal hulle
dit nie meer regkry nie.Dan wag hulle straf.
Naamlik dat hulle in die ewige vuur wat vir
die duiwel en sy engele voorberei is, gegooi sal word.Dit sal ‘n ewige straf wees.
Verwys word hier na Matt 25:41, waar Jesus
eksplisiet gesê het: “Dan sal Hy ook vir dié aan sy linkerhand sê: Gaan weg van
My, julle vervloektes, in die ewige vuur wat berei is vir die duiwel en sy
engele.”Vandag word die ewige straf dikwels in die
teologie ontken.Dit gebeur duidelik dus nie op Bybelse gronde
nie.Want die woorde van die Here Jesus leer ons
van ‘n ewige straf.Maar daarenteeen sal die gelowiges en
uitverkorenes met heerlikheid en eer gekroon word. -
Die rehabilitasie van die vromes
Hulle wat trou gebly het aan Jesus se oproep
in Matth 10:32: “Elkeen dan wat My sal bely voor die mense, hom sal Ek ook bely
voor my Vader wat in die hemele is.”God sal dan alle trane van hulle oë afvee –
Openb 21:4.Dan sal aan hulle reg verskaf word.
Dit sal dan vir almal duidelik wees dat hulle
saak, wat tans deur baie regters en owerhede as ketters en goddeloos veroordeel
word, die saak van die Seun van God is.By hierdie opmerking kan ons ook dink aan die
historiese konteks waarin Guido de Brès die NGB geskryf het.Daar was wydverbreide vervolgings van die
Protestante.Die Gereformeerde leer is deur die Roomse
kerk as ketters bestempel, die ban is oor Gereformeerdes uitgespreek.Hulle is as goddeloos gebrandmerk.
Guido de Brès moes self die prys vir sy
oortuigings betaal, toe hy opgehang is.In sy tyd het dit dus gelyk of die Gereformeerdes
‘n klomp boewe, ketters en goddeloses was.Maar op die oordeelsdag sal blyk dat dit juis
omgekeerd is!Nie hulle nie, maar hulle vervolgers sal deur
Christus afgewys word.Hulle daarenteen sal dan hulle beloning
ontvang wat hulle in hierdie lewe gemis het.Daar staan hier: ‘n beloning uit genade.
Dit klink nogal teenstrydig...
Maar hier word nie bedoel dat jy uit jou eie
goeie werke vrygespreek sal word en salig sal word nie.Hier word verwys na hulle wat bereid was om
hulle kruis agter Christus aan te dra.Wat Christus in hierdie lewe bly dien het,
ook as dit opofferings gevra het, ook as dit hulle lewe hier op aarde
onaangenaam gemaak het, ook as dit dalk uitsluiting en vervolging tot gevolg
gehad het.Hulle het dit daarvoor oorgehad, omdat hulle
besef het dat daar ‘n beter vaderland vir hulle wag.En dit is wat hulle dan sal ontvang, om in te
mag gaan in die beter vaderland.Omdat hulle aan Christus bly vashou het, ook
deur moeilike tye heen.Ja die verlange na die oordeelsdag is ook
onderdeel van ons enigste troos in lewe en in sterwe.En veral in moeilike tye.
Veral in tye wat jy as gelowige verneder
word, aan die kant geskuif word.Veral in tye as die kerk belaglik gemaak
word, irrelevant, of selfs vervolg word.Veral in sulke tye bied hierdie onderdeel van
die toekomsverwagtig vir ons ekstra troos.Daar kom
‘n dag van rehabilitasie.“My kom die wraak toe, Ek sal vergelde, spreek die
Here” – Hebreërs 10:30.Daarom bid die kerk, Christus se bruid: Kom,
Here Jesus! (Openb 22:20).Vandag het die kerk weer ‘n nuwe ouderling
van Christus ontvang.Die ampsdraers se taak is om toe te sien dat
die gemeente nie aan die slaap raak nie.Dat ons ligte brandende bly.
Dat ons bly uitsien na die koms van die
bruidegom.Ja, broer en suster, as jy Christus se saak
in hierdie lewe as jou saak kies, dan ken jy hierdie verlange.Waar die Maranata-bede verstom, het die
geloof ingeslaap.Waar die geloof lewendig is, sal hierdie bede
des te vuriger wees, ja kom, Here Jesus!Amen.
(kyk in preek)