Kort verslag
van die voortgesette sinode
van die Vrye Gereformeerde Kerke van Suid-Afrika
gehou op 18 Maart 2006 te VGK Maranata

1. Opening

Ds. C. Kleijn, die voorsitter van die sinode, open die vergadering op 'n christelike wyse.

2. Konstituering

As gevolg van die buitengewone omstandighede stem die sinode in om sekundus afgevaardigde, ouderling L.H.Th. Bosker van Pretoria, op die amptelike geloofsbrief te vervang met die nuut afgevaardigde ouderling J.F. Raimond van Kaapstad. Klassis Suid het, gegewe die situasie, hierdie plaasvervanging amptelik versoek. Die buitengewone omstandighede is dat Kaapstad twee afgevaardigdes nie kon stuur nie as gevolg van hulle ongesteldhede. Bykomstig is die feit dat Kaapstad diep gemoeid is met die hele saak van die teologiese opleiding. Die sinode openbaar daarmee 'n gesindheid van broederlikheid wat die hele vergadering sou kenmerk.

Die afgevaardigdes is:

Klassis A:
Di. J.A. Breytenbach, Ds. C. Kleijn en Ds. R.M. Retief
Oudl. H. de Jager, J.F. Raimond en H.H. Schuring 

Klassis B:
Di. P. Nel en M.P. Magagula
Oudl. P. Bouwman, H. Snijder, A.J. Sterk en F.J. van Dijk

Adviseurs:
Di. H.H. van Alten, P.G. Boon en J. Mhlanga

Namens Deputate TO:
Oudl. G. Hagg

Ook teenwoordig:
Oudl. B. van Dalen (Kaapstad)

Omdat ds. Kees Kleijn self 'n deputaat vir teologiese opleiding was gee hy met die vergadering se instemming die stoel oor aan ds. P. Nel as tweede voorsitter.

3. Vrug van bespreking

In kort kom die besinning van die kerke daarop neer dat al die kerke in die proses van die ontwikkeling van 'n eie teologiese opleiding saamgeneem wil word. Dit is raadsaam geag om elke stap ter bereiking van die kosbare ideaal saam te gee. Die volgende is 'n weergawe van die belangrikste besluite van die sinode. 

1. Deputate Kuratore word van nou af verteenwoordigend aangestel vanuit die onderskeie klassisse. Hulle is uit Klassis Suid: Di. P. Nel (Bethal); E. Viljoen (Kaapstad); oudl'e B. van Dalen (Kaapstad - as sekundus) en A.L. Boessenkool (Johannesburg). Klassis Noord: Ds. J. Mhlanga (Soshanguve); Oudl'e H.H. Schuring (Sameroeper - Pretoria) en G. Hagg (Maranata) met ds R.M. Retief as sekundus.
2. Met betrekking tot die totstandkoming van 'n nuwe gedaante vir die TO word daar afgeskop met 'n eerste fase waar deputate kuratore met die twee streeksverteenwoordigers uit die Kaap en Pretoria (Di. J.A. Breytenbach en P.G. Boon) en ander deelnemers soos die IRTT die volgende onderneem:

1. Om 'n profiel op te stel van die uitkoms van hoe die tipe student moet lyk wat by die TO afgestudeer het. Dit sluit sy kennis maar ook sy gesindheid jeens die gereformeerde leer in; hoe hy preke maak; hoe hy as leraar of sendeling sal funksioneer in die SA konteks
2. Om vanuit die profiel die kursusdoelwitte op te trek
3. Om die huidige opleidingssituasie te ontleed en in die lig daarvan 'n stapsgewyse plan op te trek om uiteindelik by die instituut vir en deur die kerke uit te kom
4. Geskrewe besonderhede m.b.t. die TO vir die volgende uit te werk:

• Streeksverteenwoordigers se take
• Sendingskerkrade en ander kerkrade in die verband se take
• Toekomstige dosente se take
• Hoedanig die raadgewende taak van die deputate kuratore uitgevoer word m.b.t. die instituut
• Watter verantwoordelikhede die sinode het m.b.t. die finansiële aspekte van die TO, soos begrotings; kompensasie ens.

5. Om 'n geskrewe rapport uit te bring aan al die kerke nie later nie as Augustus 2006
6. Om die sameroepende kerk (Kaapstad) te versoek om 'n ad hoc sinode byeen te roep 6 weke nadat die verslag ontvang is.

3. Met betrekking tot die finansies besluit die sinode om die jaarlikse bydrae vir die Teologiese opleiding te verhoog na R100 per siel. Die kerke sal gevra word die bydraes wat hulle nog verskuldig oor die jaar 2005 spoedig in te betaal. Ook word besluit om die reis en verblyf koste van die adviseurs wat help om die eerste fase te implementeer uit die fondse van die TO te betaal. Ten laaste kan die kuratore ? vrywilliger aanwys om met die deputate hulpbehoewende studente te skakel om die saak van die befondsing van studente verder stroombelyn te maak.

4. Afsluiting

Ds. P. Nel sluit die vergadering met 'n gebed.