In die sendingsbevel van Christus in Matthéüs 28 het die Vrye Gereformeerde Kerke in Suid-Afrika die stem van God gehoor om die evangelie in die omliggende gebiede rondom Pretoria te gaan verkondig.

Die werk is aanvanklik deur die lidmate van die kerk in Pretoria begin.  Dit het so gegroei dat voltydse sendingswerkers nodig was.  Ook die verskil in taal en kultuur het dit nodig gemaak om sendelinge vir hierdie werk af te sonder en op te lei.

Die eerste sendeling het sy werk in Mamelodi in 1964 begin.  Daarna is 'n addisionele twee sendelinge beroep vir werk in Soshanguve.  Huidiglik is daar twee sendelinge werksaam in Soshanguve, naamlik Di Jerry Mhlanga en Pieter Boon.

Die swart woongebiede waar die sendingswerk gedoen word, het ontstaan as gevolg van die apartheidsbeleid van die eertydse regering.  Sedert die omwentelinge in 1994 het daar egter nie baie verspreiding van die woongebiede verander nie.  Mamelodi en Soshanguve is steeds swart woongebiede, alhoewel al hoe meer swart Suid-Afrikaners na die stad begin trek.

Tans word sending bedryf in die volgende gebiede: 
• Nellmapius (Suid van Mamelodi)
• Soshanguve Suidoos
• Soshanguve Sentrum
• Soshanguve Suid