|
Laudate Dominum, die gereformeerde koor met ongeveer 50 lede, wisselend in leeftyd van vyftien tot vyf-en-sewentig jaar,
bestaan nou al meer as vyftig jaar, en staan tans onder leiding van Marianne
Bron. Sy is ‘n talentvolle dirigent, kerkorreliste, pianis en speel ‘n
verskeidenheid blokfluite.
Die koor het ‘n groot deel van sy sukses te danke aan die bekwame orrelis Willem
Luitingh, wat ‘n besondere inspirasie is vir
beide die koor en die koorleidster.
Die CD “Die Rykdom van die Psalms” is onlangs
vrygestel:
Die kore Laudate Dominum en Immanuel (gereformeerde
kinderkoor) wil met
hierdie CD opnuut die Here loof en eer, spesifiek deur middel van die Psalms.
Die Psalms wat hier gesing word, is hoofsaaklik ingedeel rondom die Paas-,
Hemelvaart- en Pinkstertyd, en word, waar moontlik, gesing op die oorspronklike
Geneefse melodieë. Mag hierdie opname ons help om, ten tye van baie vernuwings
en veranderings, opnuut die onskatbare waarde van ons Totiusberymde Psalms te
herontdek, te koester en te bewaar. Mag dit ons al hoe meer inspireer om hierdie
liedere in ons mond te neem, en – al is dit nou nog onvolmaak – met hart en siel
ons Verlosser en Erekoning te
verheerlik!
Die volgende persone/organisasies het ‘n bydrae
tot hierdie CD gelewer:
Laudate Dominum en Immanuel kinderkoor,
Willem Luitingh (orrel), Hillegert Wilcocks (trompet), Cora Visser (dwarsfluit),
Marianne Bron (altblokfluit), Salomé Kanffer-Geertsema
(sopraan).
Vir meer inligting, kontak Erika
de Vries by (012) 330-0956 of
devriesj@tut.ac.za
Ander CD's
|
